Aningaasat amerlanerusut ujartorneqalerput

juunip 21-at 2005 03:38

Kalaallit Nunaani arfeqassusermik misissuisarneq IWC-mit naammaginanngitsutut nalilerneqareersorlu, aalisarnermut naalakkersuisoq Rasmus Frederiksen neriorsuivoq, sukumiinerusunik misissuisarnissami aningaasanik ujaasisoqassasoq.

- Ukiamut naalakkersuisut ataatsimiinnissannut arfeqassutsimut misissueqqissaarnissamut aningaasat amerlanerusut ujarneqassapput, arfanniartarnermi inooriaatsitsinnut pingaaruteqarpoq, taamaattumik pingaarpoq, arfeqassutsip sukumiinerusumik misissuiffigineqarnissaa, Aalisarnermut pinarnermullu naalakkersuisoq Rasmus Frederiksen oqarpoq nangillunilu;- Aningaasaleeqqinnissamut eqqartuisut taakkartorpaat aningaasat 4 mio.kr-nit misissueqqissaarnissamut pisariaqartinneqartut.

Aalisarnermut piniarnermullu naalakkersuisoq aamma oqarpoq Kalaallit Nunaata IWC-mi inissisimanera ilungersunartoq, tikaagulliusaartassagummi 19-iusartut sisamat qulillu akornannut appartinniarneqartutut nipeqarpoq, anguniarparalu tikaagullittassatta 175-iusut allanngortinneqannginnissaat.

- Kalaallit Nunaanni tikaagulliit pillugit kisitsisaatigineqartut naammaginanngillat, taamaammat ilisimatuut piniartunik aalisartunillu suleqateqarnerullutik aappaagu kisitsiniartariaqarput.

Taama oqarpoq, Aalisarnermut Naalakkersuisoq Rasmus Frederiksen.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk