Aningaasartuutut annertusiartuinnarput

USA-p Irakimi Afghanistanimilu sorsunnernut aningaasartuutai annertusiartuinnarput. Præsident Bush USA-mi naalagaaffeqatigiit inatsisartuinut 50 milliarder dollarsinik , sorsunnernut taakkununnga marlunnut atugassanik ippassaq qinnuteqarpoq.

USA-p sorsunnernut aningaasartuutai tupinnaqaat. 2008-mili aningaasartuutai aatsaat taama amerlatigilissagunarput. Irakimi Afghanistaniinnarmilu USA-p aningaasartuutai 330 millioner dollarsiupput – tassa ullormut. Aaqqijagiinnginneq oqaluttuarisaanermi aatsaat taama akisutigaaq, sulilu akitsoriartorluni. Bush 50 milliarder dollarsit missaannik ippassaq qinnuteqarpoq, taamaalilluni 200 milliarder dollarsinik tassa 1.000 milliarder koruunit sinerlugit sorsunerit taakku marluk aappaagu akeqassapput. 50 milliarder dollarsit ippassaq qinnutigineqartut USA-p sorsunnermut atortuinut, ukiut arfinillit sorsoreernerup kingorna nungullarsimaqisut taasernissaanut atorneqartussaapput.

-Sorsunnerit taakku marluk paasiuminaatsortaqaqaat sakkutuuvulli sutigut tamatigut tapersersortariaqarpagut, præsident Bush oqarpoq.

-Kina-miit, Indiamiit,Saudi Arabiamiillu taarsigassarsiatsinnik sorsunnerit akilersorpagut, Demokratit siulittaasuat Harry Reid, akissuteqarnermini oqarpoq. USA-mili naalagaaffeqatigiit inatsisartuini Demokratit amerlanerussuteqaqqalaaginnarlutik præsident Buship pilersaarutai akornusersinnaanngilaat. Demokratit Irakimi sorsunnermik qatsussilluinnaraluartut amerikamiut tunniusimallutik sorsunnerat inoqajuitsumut aanngariartuinnartutullusooq ittoq isigiinnartariaqarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat