Aningaasarsiutigalugu arfanniartarnissaq itigartinneqarpoq

Arfanniartarneq Pillugu Nunat Tamalaat Kommissioniata IWC-p 57-issaanik ataatsimeersuarnera Korea-mi ingerlanneqartoq naammassivoq. Nunarput tikaagulliusaartaassanik taamaallaat pilliuteqanngilaq, aammali nungusaataanngitsumik aningaasarsiutigalugu arfanniartarnissaq Danmarkimit siunnersuutigineqartoq, taasissutigineqarmat amerlanerussuteqarluartunit itigartinneqarpoq. Aalisarnermut Piniarnermullu Pisortaqarfiup pisortaa Amalie Jessen ima naliliivoq:

- Tikaagulliusaartassavut 19-init qulinut ikilineqarnerat ajuusaarutigigaluarlugu akueriinnartariaqarsimavarput, taamaattorli ukioq 2007-imi isumaqatigiinniaqqinnissarput eqqarsaatigalugu inissisimalernerput pitsaanerujussuuvoq. Amalie Jessen taama oqarpoq, nangipporlu:

- Assigiinngitsut sulissutigissaqqaarpavut, takussutissaqalerutta misissugassallu aalajangersarneqariarpata nalunarunnaassaaq.

Amalie Jessen aamma oqarpoq, arfanniarnermi toqutsigasuarnissamut tunngatillugu isornartorsiorneqaraluarlutik nersualaarneqarnertik tigulluarsimallugu, suliaminnullu qiimmassaataasimasoq.

- IWC tamakkerlugu isigissagukku isumaqarpunga, alloriarneq ataaseq tiguneqarmat ataatsimeersuarnerup ingerlanerani pingasunik-sisamanik kinguariaqqittoq. Aamma aningaasannanniutigalugu arfanniarnissamut nakkutilleeriaaseq pillugu Danmarkimit siunnersuutigineqartoq aatsaat taama eqqumiitsigisumik inissisimalerpoq. Isumaqataasimagaluartoq sequmitsiterpoq, saqqummiussisoqarmat 26-t itigartitseriarlutik, marluinnaat tapersersueriarlutik 27-t taaseqataanatik nalunaarmata. Ukiuni 17-ini IWC-mut ilaasaleramali aatsaat taama inerniliisumik takuvunga, tamatuma naqissusiinnarpaa, IWC unittooqqasoq. Amalie Jessen erseqqissaavoq.

Aamma isumaqarpoq, ingerlariaqqinnissamut tunngasoq nalornissutigineqartoq, taamaattumillu aningaasannanniutigalugu arfanniartarnerup ammaanneqarnissaat suli ungasittoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat