Aningaasarsiutigalugu arfanniartaleqqinnissaq aalajangersaaffigineqassaaq

juunip 24-at 2005 06:38

Ullumi aalajangernissat pingaaruteqartut ilaat Arfanniartarneq Pillugu Nunat Tamalaat Kommissioniata IWC-p aalajangersaaffigissavaa. Nungusaataanngitsumik aningaasarsiutigalugu arfanniartaleqqinnissap eqquteqqinneqarnissaata siunnersuutigineqarnera IWC-mit ullumi aalajangiiffigineqassaaq.

Nungusaataanngitsumik aningaasarsiutigalugu arfanniartaleqqinnissaq ippassaq taasissutigineqaqqittussaagaluartoq, Danmarkip kissaateqarnera aallaavigalugu ullumimut kinguarteqqinneqarpoq. IWC-p piumasaa avaqqullugu, Japanip arfanniartarnini ingerlatiinnavinniarlugu nalunaarutigereerpaa.

Danmark Kalaallit Nunaallu IWC-mi taasisarnissanut isumaqatigiissuteqaraluarput, Danmarkili nunarput avaqqullugu taasisarsimavoq. Ullumi taasinissami Kalaallit Nunaannut isumaqatigiissut avaqqullugu Danmarkip taasisinnaanera 50 procentimik periarfissaqartoq, Aalisarnermut Naalakkersuisoq Rasmus Frederiksen oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk