Assi: Jonas Fievé/KNR

Aningaasarsiornikkut imminut napatilernissaq inornartoq

Nunatta Danmarkimik isumalluuteqarunnaarluni aningaasarsiornikkut imminut napatissinnaalernissaa suli ungasippoq. Aningaasaqarnermut siunnersuisoqatigiit Nunatta siunissaa pillugu sapaatit-akunnerata naanerani isumasioqatigiissitsinerisa kingorna ilaatigut taama inerniliisoqarpoq.

Nunarput Danmarkimit ataatsimut tapiissutinik isumalluuteqarunnaarsinneqassappat, namminersorluni inuussutissarsiuteqarnermi tunisassiorneq malunnaatilimmik annertusartariaqarpoq.
- Tunisassiornerup maanna qaffasissusaa eqqarsaatigalugu, nunani avannarlerni inuuniarnikkut atugassarititaasut qaffasissusaat angussagaanni, namminersorluni inuussutissarsiornerup iluani tunisassiorneq 70-80 procentinik annertusisariaqassaaq, Torben N. Andersen KNR-imut oqarpoq. 

Aamma atuaruk Kalaallit Nunaat siunissami qanoq ikkumaarneranik isumasioqatigiipput

Inuussutissarsiortut pitsaanerusunik atugaqalernissaat

Aningaasaqarnermut siunnersuisoqatigiinni siulittaasoq, Aarhusip Universitetiani nationaløkonomimi professori, Torben M. Andersen taama oqarpoq.

Allatut oqaatigalugu, namminersorluni inuussutissarsiorneq aallutaqarfiunerusariaqarpoq, taamaaliornikkut nunatta karsiata aningaasatigut iluanaaruteqarnerunissaa qulakkeerneqassammat.
Tamannalu nammineerluni pinavianngitsoq Torben M. Andersenip oqaatigaa.
- Naammagittarsinnaassuseqartariaqarpoq, illuatungaatigulli arlalinnik aaqqissuuseqqinnissaq politikkikkullu ataatsimik sammiveqartumik ingerlatsilernissaq pingaaruteqarpoq. Kalaallit Nunaatami aningaasaqarnera ukiualunni siuariartorfiusimanngilaq.

Nunatta aningaasaqarnikkut Danmarkimit pisariaqartitsiunnaanissaanut siunissami ungasinnerusumi qulakkkerinnittussat, Sulisitsisut Peqatigiiffiata, Naalakkersuisunut kaammattuutaa ersarippoq.

- Arlaliugaanni akisussaaffeqarnissaq oqinnerusarpoq, uagullu peqataarusoqaagut, Brian Buus Pedersen oqarpoq. 

Pissuussutit takannarsuit

Pisuussutinik iluaqutigineqanngitsunik immami nunallu iluani peqarmat, namminersorlutik inuussutissarsiortut siuarsarnissaannut periarfissanik ulikkaartoq, Sulisitsisut Peqatigiiffianni pisortap, Brian Buus Pedersenip erseqqissarpaa.

Aammattaaq takornariat amerlissutigisinnaassaannik, tamakkununnga sullissinermik ineriartortitsinissaq periarfissaqarluartoq erseqqissarpaa.

- Kisianni inuussutissarsiortut politikkikkut tapersersorneqanngippata, taamungaannarpallaartunillu aalajangiisoqarnissaa pinaveersimatinneqanngippat, iluamik aallartinnavianngilagut.

Inuussutissarsiortut naammattunik sulisussaqaqqullugit inuussuttut amerlanerusut ilinnialernissaat Naalakkersuisut qulakkiissagaat, Brian Buus Pedersen Torben M. Andersenilu kaammattuipput. 

 

TUSARNAARUK Miniseminar om produktivitet og effektiviseringer Optagelse fra Økonomisk Råds seminar lørdag den 9. april på hotel Hans Egede (qallunaatuuvoq)

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat