Aningaasarsiornikkut ajornartorsiorneq Helsinkimi oqaluuserissavaat
Nunat Avannarliit Siunnersuisoqatigiffiat Finlandip illoqarfiisa pingaarnersaanni Helsinkimi ullumi ataatsimiilissaaq, nunarsuarmilu aningaasarsiornikkut ajornartorsiorneq pingaarnertut oqallisigineqassalluni. Islandimi pissutsit aamma oqallisigineqassapput.
Allattoq Louise M. Kleemann
Nunani Avannarlerni ministeriunerit immikkut ittumik ataatsimiissapput, Islandimilu pisut pillugit Islandip ministeriunera Geir Haarde paasissutissiissalluni.
Island nunat siuarsagassat taarsigassarsiniartarfiannit, IMF-imit, 11 milliardi koruuninik taarsigassarsinikuuvoq, taakkualu iluaqutigalugit Nunat Avannarliit allat aningaasatigut Islandimik ikiuiniarsinnaanissaat Islandimit neriuutigineqarpoq.
Nunat Avannarliit Siunnersuisoqatigiiffiat ataatsimiinnerat Kalaallit Nunaanniit aamma peqataasulik pingasunngorpat tungaanut ataatsimiissaaq.