Aningaasarsiat assigiinnginnerat kamassaataavoq
Nini Biilmann angutit arnaniit 40 procentit tikillugit aningaasarsiaqarnerunerat pillugu oqarpoq.
2008-mi nuna tamakkerlugu aningaasarsiat ukiumoortumik nalunaarsorneri tunngavigalugit Naatsorsueqqissaartarfiup naatsorsugaani angutit arnaniit agguaqatigiissillugu 5000 koruuninik akissarsinerusarput. Tamanna Nini Biilmannip tupinnartussaqartinngilaa.
- Tamanna tupaallaatiginngilara, nunatsinni atorfiit qaffasinnerusut, soorlu namminersornerusut suliffeqarfiini pisortatut atorfiit arnanit issiaffigineqartut ikitsuararsuupput, tassani annertuumik unammilligassaqarpugut, Nini Biilmann oqarpoq.
Kalaallit Nunaanni naligiissitaanissamut siunnersuisoqatigiit siulittaasuata paasisaq sukumiisumik misissorniarpaa.
- Taama annertutigisumik nikingasoqarnera isigiinnarsinnaanngilarput naligiissitaanerminngaanniit.
Misissuiffigissavarput aammalu taanna qanoq iliorluta ilorraap tungaanut assigiinnissaat anguniarlugu misissorneqartariaqarpoq, Poul Hansen oqarpoq.