Aningaasarpassuit aallarunneqarput
Naak tillinniat sakkulersunngikkaluartut sakkortuuliortoqaqaaq, sulisullu tillinniarnerup nalaani najuuttut tallimaasut, tarnip pissusaanik ilisimasalimmit maanna ikiorserneqartut, sullivimmi avatangiisinut pisortaq Kaj Larsen Dansk Bankimeersoq DR-imut oqarpoq.
- Sulisut tillinniarnermi eqqorneqartut sakkortuumik misigisaqarput. Tillinniallu pilersaarusiorluarsimasut oqaatigineqarpoq.
- Aningaasanut toqqorsiviugatta isumannaallisaanermut annertuumik piareersimavugut. Aamma isumannaallisaanermut upalungaarsimatitavut imaaliallaannaq saneqqunneqarsinnaanngillat.
Taamaattorli biilip assartuutip isumannaallisaaffiit marluk aqqutigalugit kaajaluisaq iserfigisinnaasimavaat.
- Sulisutta biilit aningaasanik immikkoortortaqarfitsinnut ingerlatsisussat usilersuleruttuleraat tillinniat puut qulit aningaasanik imallit tillissinnaasimavaat, Kaj Larsen oqarpoq.
Biili tillinniat qimaanerminni atugaat politiit nassaarisimagaat oqaatigineqarpoq.