Danmarkimi piginneqatigiissutinik tuniniaavinni aktiat nalingi allanngoraannavipput, illullu akii apparaluttuinnarlutik. Taama pisoqarnera siunissamut sunniuteqangaatsiassasoq aningaasarsiornermik ilisimasallit eqqoriarpaat.
Niels Blomgren-Hansen, Økonomisk Institutimi Copenhagen Business Schoolimi, professori, ernumassutissaqarneraavoq.
- Tamatta tupatsitaasimavugut. Nalunngereeraluarparput aningaasarsiorneq sukkulluunniit ajutoorsinnaasoq, maannali pakasarneqarsimalerpugut, professori Ritzauip nutaarsiassaqartitsivianut oqarpoq.
Tamannali nakkassutaasariaqanngitsoq erseqqissaatigaa.
- Aap, sanaartornerit inuillu ulluinnarni pisiniutissaat ikileriassasorinarput. Kisianni susinnaajunnaavittutut misigisoqartariaqanngilaq. Ernumavallaarnerit ajornartorsiulernerunermut saatsitsisinnaapput, taamaammat isumalluarutta ilorraap tungaanut saatitsiartussaagut, Niels Blomgren-Hansen oqarpoq.