Aningaasaqarnikkut ajornartorsiorneq Savalimmiunut annguppoq

Savalimmiuni pisortat aappaagumut amigartoorutissaat ilimagisamit marloriaammik amerlanerussasut ilimagineqalerpoq. Amigartoorutissat 244 millioni koruuniniit 570 millioni koruuninut amerleriasangatinneqalerput.
decembarip 05-at 2008 08:48

Savalimmiuni umiarsuaatileqatigiiffissuarmi Smyril Linemi sulisorpassuit sapaatip akunnerani kingullermi aamma soraarsitaasariaqarsimapput, ikaartaassuaq Norrøna umiarsuaatileqatigiiffimmit taassumannga pigineqarpoq. Umiarsuaatileqatigiiffilli taanna kisimi eqqorneqanngilaq. Biililiorfiit qarasaasialeriffiillu aamma eqqorneqarput, kiisalu aalisariutit arlalissuit aningaasarsiornikkut annertuumik ajornartorsiorput.

Aningaasarsiornermullu Naalakkersuisup Joannes Eidesgaardip erseqqissaatigaa Savalimmiuni nunap karsiata akiliisinnaassuseqarnera massakkorpiaq ajornartorsiorfiunngitsoq.