Aningaasaqarniarneq qineqqusaarnerminnut qitiutilerpaat
Tamanna pivoq præsident Buship qineqqusaartut ippassaq iliuuserisassanut siunnersuutinut tapersersueqqullugit kaammattuereersorlu.
Piffissaq kingulleq aningaaserivissuit akiliisinnaajunaartut, utoqqalinersiutissatut inuit katersaat nunguttut, angerlarsimaffiit pinngitsaaliissummik tuniniarneqartut, allaffiit suliffissuillu matoorartut tusartareerlugit, præsident Buship aningaasaqarniarneq ilorraap tungaanut aallartiniarlugu iliuuseriniakkanut 700 milliardi dollarsinik nalilinnut inatsisartut ippassaq tapersersueqquai. John McCain, præsidentinngorniunnermi kinguaqqasoq, unammillertiminut siunnersuivoq, unammiuaarunnaarallarlutik Washingtonimut pissutsinut iluarsaaqataajartornissartik, aqagulu Misissippimi oqallinnissaraluartik taamaatiinnarusullugu. Barack Obamali akivoq aamma nammineq Washingtoniliarniarluni, præsidentinngortussalli marloqiusatut sulisinnaanissani piginnaaneqarfigisariaqarmagu Misissippimi oqallinnissartik taamaatiinnartariaqanngitsoq.
