Assi: KNR

Aningaasaqarnermut siunnersuisoqatigiit pissangallutik utaqqipput

Kalaallit Nunaanni aningaasaqarnermut siunnersuisoqatigiit aaqqissuusseqqinnissat Naalakkersuisunit nalunaarutigineqarsimasut aningaasaqarnerup attassinnaanissaanut pilersaarut, aningaasarsiornerulernissamullu pilersaarutit tusarfiginissaat pissangallutik utaqqivaat.

Oqallinnermi uani pingaarnerpaat suli nalunaarutigineqanngillat. Aaqqissuusseqqinniarluni nalunaartoqarpoq, aningaasaqarnerup attassinnaasaanut pilersaarusiorniarluni, aningaasarsiornerulerniarlunilu pilersaarusiorniarluni. Tamakkuli imaat sukumiisut suli pissangalluta utaqqivagut.

Nuummiitilluni Ilisimatusarfimmi oqallissaarummik ippassaq saqqummiussigami, Kalaallit Nunaanni aningaasaqarnermut siunnersuisoqatigiit siulittaasuat Torben M. Andersen taama oqarpoq,

Aningaasaqarnermut inatsisissamut aappaagumoortumut Naalakkersuisut siunnersuumminni 76 millioner koruuninik amigartooruteqarnissaq siunnersuutigaat. Tamatumali Torben M. Andersen tupaallatsinngilaa.

Ajoqutit aaqqinneqarsinnaapput

- Amigartooruteqartarneq nangaanartoqartarpoq. Ukiuni tulleriinni amigartooruteqartarneq nangaanartoqarpoq. Ingerlanermilli allanngortitsisinnaasumik siunnersuuteqarsinnaagaanni, taamaalillunilu aappaagu amigartoorutit matussutissaannik sinneqartoorutissanik siunnersuuteqarsinnaagaanni, oqartoqarsinnaavoq ajoqutit aaqqinneqarsinnaasut, Torben M. Andersen oqarpoq.

Taamaattumik taanna isumaqarpoq Naalakkersuisut nutaat piffissaq atorsinnaangaat paasiniarlugu suna pingaartinnerunerlugu. Taamaaliornermikkulli akisussaaffik aningaasaqarnerup attassinnaasaanik pilersaarummut, aningaasarsiornerulernissamullu pilersaarummut akisussaaffimmik ilaat nuussavaat. Professorilu Aarhusimeersoq naapertorlugu tamakku qanoq pilersaarusiorneqarnerat aalajangiisuussaaq.

Aaqqissuusseqqinnissaat aallartinnissaat pingaaruteqarluinnarpoq

- Aalajangiisussarujussuussaaq, matumalu nalilerneqarnissaa piumaarpoq aningaasaqarnerup attassinnaanissaanut pilersaarutip, aningaasarsiornerulernissamullu pilersaarutit saqqummiunneqarpata.

- Ajornartorsiutillu aaqqiiviginiarlugit suliniummik ataqatigiissumik saqqummiussisoqarpat, taava oqarsinnaavugut utaqqilaarneq imminut akilersinnaasimasoq. Taamaattoqanngippalli, taava ilungersunartorujussuussaaq, alloriarnertaqanngitsumik piffissaq ingerlasimassammat, Torben M. Andersen oqarpoq.

Erseqqissarpaa, aaqqissuusseqqinnissat maannakkut aallartinnissaat pingaaruteqarluinnartoq.

-  Oqartussaasut ingerlataanni mingartoornissaq kisiat pinnagu, aammali aningaasarsiornikkut siuariartornissaq aallartisarniarlugu, Torben M. Andersen KNR-mut taama oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat