Aningaasaqarnermut pisortaasimasoq: Great Greenland misissuiffigineqartariaqarpoq

marsip 08-at 2006 10:35

Great Greenlandimi aningaasaqarnermut pisortaasimasoq naalakkersuisut siulittaasuannut Hans Enoksenimut ammasumik allagaqarpoq.

Ammeriviup, minnerunngitsumik pisortaata, misissuiffigineqarnissaa tunngavissaqarluartoq aningaasaqarnermut pisortaasimasoq allappoq.

Taassuma allagaani allassimavoq canadami puisit amiisa pisiarineqartarneri Great Greenlandimi amigartoorutaasimasut ulluinnarnilu aqutsisut tamanna isertuussimagaat.

Canadami puisit amiinik tuniniaanermi ammerivik ajoquserneqarsinnaammat piniartut inuussutissarsiutaat ulorianartorsiortinneqartoq aamma allakkani allassimavoq.

Aningaasaqarnermut pisortaasimasup allagaani paasissutissat tunngavigalugit demokraatit inatsisartuni ammeriviup misissuiffigineqarnissaanik piumasaqaqqipput – taamatut siornatigut piumasaqartoqarmat naalakkersuisut siulittaasuat itigartitsivoq.