Aningaasaqarnermut Naalakkersuisoq: Qinersivissaq naleqquttoq
Aningaasaqarnermut Naalakkersuisoq Per Berthelsen ima oqapoq:
- Inuttut isumaqarpunga qinersinissamut ulluliussaq naleqqulluinnartuusoq. Tassami tamatta nalunngisatsitut Namminersorneq pillugu innuttaasut taasitinneqarput, tamatumalu kingunerisaani inuiattut ullorsiornissatsinni juunip ulluisa 21-anni Namminersorneq eqqunneqassalluni. Tassanilu Naalakkersuisut siulittaasuat nalilersuilluarluni aaliangiivoq oqaluttuarisaanermi pingaarutilimmik pisoqarnissaa sioqqullugu innuttaasut kikkunnit aquttoqarnissaannik aperineqaqqaassasut.
- Taamaattumik maannakkut qinersinissaq suaarutigineqarpoq qinersisoqareerneratigut Namminersorneq pisortatigoortumik eqqunneqassalluni, Aningaasaqanermut Naalakkersuisoq Per Berthelsen radioaviisimut taama oqarpoq.