Aningaasaqarnermut Ataatsimiititaliap tapiissuteqartarnerit sukateqquai
Charles Kastberg Christensenip nassuiaatigaa, atortut nalikillisinarnissaannut nutaanillu atortortaanissamut isumaqatigiissutini inissaqanngitsoq. Suliffeqarfik aamma nassiussuinermi assartuinermilu ima ajornartorsiuteqartartiginrarpaa, sullissinermi isumaqatigiissuteqarnikkut aningaasaliiffigineqarnissamik pisariaqaertitsiuassalluni. Taamaakkaluartoq erseqqissaavoq, suliffeqarfiup aningaasaqarnera pitsaasuusoq.
Kisianni qanoq taamaassinnaava?
Aningaasaqarnermut ataatsimititaliap pappialaataani arlalinni erserpoq, Arcitc Green Foodip sullissinermut isumaqatigiissutitigut 12 millioner koruuninik pissarsinera eqqarsarnartoqartinneqartoq.
Aningaasaqarnermut naalakkersuisumut nalunaarusiami ersippoq, Arctic Green Foodip aqunneqarnera aningaasaqarneralu taamaatsillugu, pisortanit aningaasaliiffigineqartarnissaa, atorflinnit inassutigineqangitsoq. Tassa suliffeqarfiup aningasartuutai aqunneqarsimagunanngillat. Aamma suliffeqarfiup 2008-mi isertitatigut angusarlunnera, sullissinermi isumaqatitigut aningaasaliissutit killeqarneranik taamaallaat pissuteqarsinangitsoq, nalunaarusiami oqaatigineqarpoq.
Tassalu taamaammat aningaasaqarnermut ataatsimiititaliaq nalornisunnguamik, ukiup sinneranut 7,5 millioner koruuninik aningaasaliinermut akuersivoq. Nunatta Karsianit aningaasaliissutit Arctic Green Foodimit siunertamut naapertuuttumik atorneqartut nalunaarusiatigut qulakkeerneqarpat aatsaat tunniunneqartassapput.
Tassalu suliffeqarfik sukannersumik nakkutigineqartussanngorpoq, tassami 2008-mi naatsortai ippigineqarlutik kukkunersiuisunit sakkortuumik upissunneqarput.
Aningaasaqarnermullu Ataatsimiititaliaq nutaaq ataatsimut isigalugu tapiissuteqartarnissamut akerliusuuvoq. Ataatsimiititaliaq Naalakkersuisuut allappoq, najukkani innuttaasut nunattaluunniit aningaasaqarniarnera eqqarsaatigalugit, tunisassiornerit imminut akilersinnaanngitsut Nunatta Karsiata aningaasaataanik ingerlatiinnarniarneqarnerat ungasinnerusoq isigalugu naapertuuttuunanilu attanneqarsinnaanngilaq.
Tapiissuteqarnissaq pisariaqarpat, taava kingusinnerpaamik novembarip aallatsinnerani tmanna naalakkersuisut nalunaarutigisariaqarpaat, aningaasaqarnermut inatsimmi ilanniassamata, kingusiinnakkut ilassutitut aningaasaliissutiginagit.
Nunaqarfinni aaqqissussinissamik, sulisartut nunaqarfinni inuussutissarsiutinit imminut akilersinnaanngitsuniit inuussutissarsiutinut allanut nuunnissaannik kinguneqartussamik, suliaqartoqassasoq Naalakkersuisut siusinnerusukkut oqaatigisaat, Aningaaaqarnermut Atatsimiititaliap tuavisaarutigaa.
Taama anguniagaqarneq innuttaasunut ammasumik unneqqarissumillu nalunaarutigineqartariaqartoq, ataatsimiititaliaq isumaqarpoq.
