Isumaliutissiissut Aningaasaqarnermut Ataatsimiititaliap kiisami atsiorpaat.
Inatsisartut ippassaq ataatsimiinnerini aamma saqqummiunneqarpoq, nunatta karsiata aningaasaqarnera pillugu oqallinnissaq, novemberip ulluisa qulinganni pisussaagaluartoq, novemberip ulluisa 15-iannut kinguartinneqartoq.
Inatsisartut ukiaanerani ataatsimiinneranni kingullertut oqaluuserisassaattut taamaalilluni inissinneqarluni.
Naalakkersuisooqatigiit ajalusuussagaluarpata, qinersisoqaqqissappallu, siorna ukiup taamaalineranut pisup killormoortuanik pisoqassaaq, tassami aningaasanummi inatsit siorna isumaqatigiissutigineqarsinnaanngimmat qinersisoqarpoq.
Naalakkersuisooqatigiit akornanni aaqqiagiinnginneq, Siumukkunnit, IA-mit aamma Atassutikkunnit ippassaq ullaakkut nalinginnaasumik ataatsimiinnermi oqallisigineqarpoq. Tamatumalu kinguneraa Peqqissutsimut Naalakkersuisumut ilaasortap IA-meersup, Asii Chemnitz Narupip, sapaatip akunnerani kingullermi sammineqarnerujussua maanna ingasappallaarunnaarmat.