-Allaqquttussaannginnami taamaliartorpoq, nunaqarfinniit nutsertoqarpoq aningaasarsiorfiusinnaasut malittaralugit Kangaamiuni aamma taamaappoq, taama oqarpoq, Efraim Olsen, Siumumeersoq, Kangaamiuni nunaqarfim-mi aqutsisut siulittaasuat, Karl Lyberth-ip Maniitsumeer-sup nunaqarfimmiut aningaasarsiorfiusinnaasunut nutseq-qullugit ullu´qeqqani radioaviisimi kaammattuinera oqaa-seeqarfigigamiuk.
- Taamatut oqarninnut tunngavigaara, ullumikkut nuna-qarfinni arriitsumik taamaaliartortoqarami, tassa aningaa-sarsiorfiit eqqarsaatigalugit inuuniarneq akitsoraluttuin-narami. Efraim Olsen, radioaviisimut oqarpoq.
Kangaamiuniit nutsertoqangaatsiarnera aamma malugisi-manerarpaat:
-Ukiut qulit ingerlanerani ilaqutariippaaluit aammalu inuusuttut ilinniarnerminnik naammassinnittut illoqarfin-nut unittarput, tassa tamaaliartorusaarami. Soorunami nalunngilarput uninngaannaraanni ajornerusoq, Efraim Olsen oqarpoq.
Imatut paasineqassanerluni aaqqissuulluakkamik nuna-qarfiit inuerutsikkiartuaarneqarsinnaasut ?
- Inuerutsikkiartuaarnissaat, taanna oqaaseq soorunami sakkortoorujussuuvoq aamma sakkortugineqartarpoq. Kisianni tassa isumaqarpunga peqqinnarnerpaasoq inunnut eqqarsaatigalugu. Suna tamarmi akitsoriartorpoq aamma nunaqarfinni, soorunami aamma aningaasarsior-neq aamma sunniuttartorujussuuvoq, Efraim Olsen radioaviisimut oqarpoq.