Aningaasaq malersorlugu nuunneq tupinnartuliaanngilaq
Nunaqarfimmiut Peqatigiiffiani siulittaasup Jens Kristian Therkelsen-ip Ikerasanneersup ajunngitsuunerarpaa.
Isumaqarluni kiffaanngissuseqarluni aalajangertoqartariaqartoq. –Suliffissaaleqineq peqqinnartuunngilaq, taamaattumik suliffittaarnermut atatillugu nuussinnaaneq aamma nunaqarfimmiunut periarfissaasariaqarpoq, taama oqarpoq Jens Kristian Therkelsen. Jens Kristian Therkelsen aamma oqarpoq nunaqarfinni ilinniagartuunut atorfiit killeqarmata ilinniarluarsimasut illoqarfimmiikkusunnerusinnaasarnerat takornartaanngitsoq. Jens Kristian Therkelsenip aamma peqqinnartuunerarpaa Kalaallit Nunaanni isorartuumi inoqarfiit avinngarusimasumiissinnaasarnerat. – Peqqinnartuuvoq nunaqarfiit akunniffittut aamma atorneqarsinnaasarmata, Jens Kristian Therkelsen oqarpoq naggasiillunilu oqarpat nunaqqatimi arlaat suliffittaarsimalluni nuunniarluni oqarpat soorunami nagartarnaviarnagu.