Assi: inatsisartut.gl

Aningaasanut inatsit Naalakkersuisoqatigiit isumaqatigissuteqarnerisigut akuerineqarpoq

Aningasanut inatsit 2016-mut atuuttussaq Inatsisartuni sivisuumik oqallisigineqareerluni pingajussaaneerneqarnerani akuersissutigineqarpoq.

Aningaasanut inatsit Naalakkersuisoqatigiit isumaqatigiissuteqarnerisigut akuersissutigineqarpoq.

Aningaasanut inatsit 2016-mut atuuttussaq inatsisartuni sivisuumik oqallisigineqareerluni tallimanngornermi unnukkut akuersissisutigineqarpoq.

Naalakkersuisoqatigiit partiit pingasuusut, Siumut, Demokraatit aamma Atassut,  akuersillutik taasipput, illuatungiliuttut partiivi Inuit Ataqatigiit aamma Partii Naleraq akerliullutik taasipput, taamaalillunilu aningaasanut inatsit akuersissutigineqarluni.

Aningaasaqarnermut Naalakkersuisoq Vittus Qujaukitsoq neriussimagaluarpoq  partiit arlaqartut peqataaffigisaannik isumaqatigiissuteqartoqassasoq tamannali  iluatsissinnaasimanngilaq.

Inuit Ataqatigiit siulittaasuata Sara Olsvigip isumaqatiginniarnerit sapaatit akunnerinik arfineq pingasunik sivisussuseqartut tukkatumik ingerlanneqarsimasutut taavai, tamannali Vittus Qujaukitsup ilumunnginnerarpaa,  anigaasanut inatsit pillugu partiit tamarmik tusarniarneqarsimammata.

Aningaasanut inatsisip  akuersissutigineqarnerata kingunerisussanngorpa nunatta karsia  2016-mi 56,8 million kr-nik amigaartooruteqarnissaa.

Naalakkersuisut nunatta karsiata 2016-mit 2019-mut 29,7 million kr-nik sinneqartooruteqarnissaq siunnikkaat.

 

Aamma atuaruk Nunatsinni ineriartortoqarnissaa Vittup takusinnaanerarpaa

Aamma atuaruk Aningaasanut inatsisip tamanit isumaqatigiissutiginissaanut millionialunnguit akornutaapput

Aamma atuaruk Naalakkersuisut aningaasanut inatsimmi sipaarutissanik allanik saqqummiussaqartut

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat