Aningaasanut inatsit akuerineqarpoq

NAQQITAQ: 2009-mi aningaasat pillugit inatsit amerlanerussuteqalaartut akuersissutigaat. Naalakkersuisooqatigiit 16-init tapersersorneqartut illuatungiliuttut ilaasortaasa 15-iusut akornanni 13-it akerliusut.
Allattoq Jaaku Lyberth
novembarip 14-at 2008 16:19

Taamaalilluni aningaasaqarnermut naalakersuisup, Per Berthelsenip amerlanerussuteqarluarnissamik kissaatigisaralua iluatsinnani, taasisitseqattaarnerpassuit aqqusaarlugit inatsit akuersissutigineqaqqalaarpoq.

Aleqa Hammondip aningaasaqarnermut naalakkersuisuugallarami aningaasanut inatsisissatut siunnersuut oqallisigineqartariaqanngitsutut saqqummiussaralua nalunngisatsitut iluatsinngitsoorpoq.

Taamani Nukissiorfiit aktieselskabinngortineqarnissaat qulakkeerneqarsinaassappat Landskarsip 441 miliuuni koruuninik amigartooruteqarnissaa siunniunneqaraluarpoq. Taamanikkulli saqqummiunneqartut Per Berthelsenip naalakkersuisungorami aallaavigai. Per Berthelsenilli aningaasartuutissatut taamani siunniunneqaraluartut arlalitsigut ilanngartoriarlugit, amerlanerussuteqaqqalaarnikkut inatsisissaq akueritippaa. Taamaalimmat 2009-mi aningaasartuutissani inissialiorneq Inerisaavillu 5 miliuuni koruuninik sipaarfigineqarnissaat unitsiinnarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq