Aningaasanut inatsisissatut siunnersuut ullumi saqqummiunneqassaaq
Ukiumoortumik aningaasanut inatsisissaq Aningaasaqarnermut Naalakkersuisumut Andreas Uldumimut misilitsinnertut-issaaq. Siorna naatsorsuutit assorsuaq isornartorsiorneqarput, Uldumilumi aamma nammineq ersarissuliorpoq. Sivikitsuinnarmik naalakkersuisooreerluni naammassisinnaasat kisimik naammassineqarsinnaasut taassuma nassuiaatigaa.
Maannakkulli utoqqatsissutissaqanngilaq, taamaattumik aningaasanut inatsisissaq pissangalluni utaqqineqarpoq.
Naalakkersuisut arlaleriarlutik erseqqissarsimavaat ilungersoqqaarluni atugarissaartoqarsinnaasoq, Nunattalu aningaasaqarnera ilorraap tungaanut aallartinniaraanni aaqqissuusseqqittoqartariaqarpoq. Taamaattumik siunniunneqarpoq aningaasanut inatsisissaq akitsuutitaqarumaartoq.
Tamatuma saniatigut Naalakkersuisut sanaartugassanut pilersaarutaat soqutigineqartorujussuussapput. Minnerunngitsumik aningaasanut inatsisissamut siunnersuutip mittarfeqarfinnut pilersaarutit pillugit suut imarinerai.