Aningaasanut inatsisissatut siunnersuut saqqummiunneqalerpoq

Inatsisartut aappaagu 2007-mi aningaasanut inatsisissaattut siunnersuut naalakkersuisunit ullumi nalunaaqutaq marlunut saqqummiunneqassaaq.

Aningaasanut inatsissatut siunnersuut pisortatigoortumik saqqummiunneqarsimatinnagu sukumiisumik paasissutissiisinnaanngilagut, taamaattorli oqaatigisinnaavarput, aningaasanut inatsisissap amigartooruteqarfiunissaa siunnersuutaammat.

Amigartooruteqarnissaq ilinniartitaanermut nukissiuuteqarnikkullu piorsaanissamut annertuumik aningaasaliissuteqarnissamik tunngaveqarpoq.

Illuatungiliuttut Demokraatit siulittaasuat Per Berthelsen ippassaq unnukkut radioavisimut oqarpoq

amigartoorutitaqartumik aningaasanut inatsisissaq piareersarneqartoq tusarlugu assut ajusaarnartissimagini, aningaasarsiorsinnaassusermillu takutitsisutut taaneqarsinnaanngimmat.

Taamaattoq erngup nukinganut, peqqinnissamut ilinniartitaanermullu annertuumik aningaasartuuteqarniarnerit Demokraatit aporfissaqarsorinngilaat, tassaammata aningaasarsiornermut iluaqutaalersussat.

Demokraatit nuannaarutigaat Ingerlatsiviit isertitaminit akileraarutaat 30 procentinik millisinniarneqarmat.