Aningaasanut inatsisissaq: Ilinniartitaaneq qaffassarneqassaaq

Ilinniartitaaneq- ilinniartitaaneq-aammalu ilinniartitaaneq. Ilinniartitaaneq annertuumik qaffassarneqartariaqarpoq, tamannalumi akikitsuinnaassanngitsoq aappaagu 2007-imut inatsisartut aningaasanut inatsissaattut, Naalakkersuisut siunnersuutaanni takuneqarsinnaavoq. Siunnersuummi pingaarnertut erngup nukinganik innaallagissiorneq ilinniartitaanermillu annertusaaneq annertuumik aningaasaaffigineqarniarput.

Aappaagu aningaasanut inatsisissatut naalakkersuisut siunersuutaat Inatsisartut ukiaru ataatsimiinneranni akuersaarneqassaguni, nunatta karsia aappaagumiit ukioq 2010 ilanngullugu katillugit 887 millioni koruunik amigartooruteqassaaq.

Tamaattorli aningaasatigut mianersortumik akisussaassuseqartumillu politikkeqarnerup kinguneranik ukioq 2002-imiit 2005-imut nunatta karsia 800 millioni koruunit sinnerlugit sinneqartooruteqarpoq, ullumikkullu aningaasat sipaakkat tigoriaannaat 2 milliarder koruuningajaammata siunissamut aningaasaliinissaq akissaqartinneqalerpoq.

Innuttaasut ilinniagaqarsimassusiat qaffassarneqartariaqarpoq, tamannalu pillugu 150 millioni koruunit sinnerlugit ilinniartitaanermut aningaasaliissutiginiarneqarput. Taakku 2008-09-milu ukiut tamaasa 285 millioni koruuningajannik qaffattarnissaat pilersaarutaavoq. Ukioq 2010-mi ilinniartitaanermut 325 millioni koruunit missaannik aningaasaliissuteqartoqarnissaa aappaagu aningaasanut inatsisissami aamma siunnersuutigineqarpoq.

Erngup nukinganik innaallagissiornermut 600 millioni koruunit illuartinniarneqarput. Aningaasartuutit, erniat, akilersuutillu aqqutigalugit utertinneqartussat, Sisimiuni, Paamiuni Ilulissanilu erngup nukinganut innaallagissiorfiliornermut kiisalu Nuummi innaallagissiorfiup naammassisaqarsinnaassusianik annertusaanermut atorneqassapput.

Peqqinnissaqarfiup 90 millioni koruuninik aningaasaliiffigineqarnissaa siunnersuutinut ilaavoq. Uninngasunut unnuisarfiliornermut sulisullu ineqarfiliornermut aningaasat atorneqassapput.

Aappaagu aningaasanut inatsisissatut siunnersuut naapertorlugu aappaagu nunatta karsiata 373 millioni koruuninik amigartoornissaa naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat