Aningaasanut inatsisissaq Folketingimi

Aningaasanut Danmarkimi aappaagu inatsisissaq Folketingimi ullumi oqaluuserineqassaaq. Allannguutissanut siunnersuutinit katillugit 712-iusunit 86-it partiit taasissutigissavaat, naalakkersuisunit aappassaaneerneqareersullu allannguuutissatut siunnersuutit taakku taasissutigineqassapput.

Kalaallit Nunaanniit Folketingimut ilaasortaatitavut oqallinnermi peqataarusunngillat, allannguutissatummi siunnersuutit Danmarkimut namminermut tunngasuummata.

Atlantikup Avannaani Suleqatigiit allaffeqarfiat ullumi taama ilisimatitsivoq.

Allannguutissatut siunnersuutit ullumi taasissutigineqareerpata siunnersuutit pingajussaaneerneqarnissaat kipitinneqarallassaaq, pingasunngorpat nangeqqinneqassalluni. Aningaasanut inatsisissat oqallisigineqarnerat tamatigut sivisoorujussuusarpoq. Taama oqallinneq allannguutitullu siunnersuutit pillugit taasisitsineq nalunaaquttap akunneri qulit sinnerlugit siorna pivoq, tassa unillatsiartarnerit ilanngullugit.