Aningaasanut inatsisissaq 100 millioninik amigaateqarpoq

Inatsisartut aningaasanut inatsisissaattut siunnersuummi allaqqavoq 100 millioni koruuninik amigartoortoqassasoq. Tamanna pillugu aningaasaqarnermut naalakkersuisoq Aleqa Hammond illuatungiliuttunut tusarniaaniarluni aggersaavoq.

- Naalakkersuisoqatigiinni pingaartipparput inatsisartut aningaasanut inatsisissaattut siunnersuutaanni 100 millioni koruuninik amigartoortoqarneranut pillugu illuatungiliuttut qanoq isumaqarnersut tusarniaaffigineqassasut. Kiisalu illuatungiliuttut isumaat tusarusullugit aningaasanik amigartoorutini sumut aallertoqarsinnaanera illuatungiliuttut isumaat paaserusukkatsigit, Aleqa Hammond oqarpoq.

Aleqa Hammondip ilanngullugu oqaatigaa illuatungiliuttullu naappiffeqarsimallutik, tassa Kalaallit Nunaanni akileraarutit qaffanneqassanngitsut.

Aningaasanik 100 milliuuninik amigartoornermik matussusiisinnaasunik Namminersornerullutik Oqartussat misissueqqissarput.

- Naalakkersuisuninngaanniit allaffissornerup annikillineqarsinnaanera ujartorneqartunut ilaavoq, kiisalu aningaasaliiffigineqartartut Namminerasornerullutik Oqartussaniit kontut assigiingitsut ataasiakkaarlugit misissorluarneqarlutik, Aleqa Hammond oqarpoq.

Aleqa Hammondip ilanngullugu oqaatigaa sipaarniarnermi inuit aningaasakilliortut eqqugaannginnissaat anguniarneqartoq.