Aningaasanut inatsimmi isumaliutissiissummut siunnersuutit qaammatini arlalinni suliarineqarsimasut maangaannarput.
Tamannalu aningaasanut ataatsimiititaliami siunnersuutip kinguartinneqaqattaarnera siulittaasup Siumumeersup Ole Thorleifsen ajuusaarutigaa.
- Soorunami kinguartitseqattaarneq politikerinut taakkununnga suliaqartunut allaffimmiunullu artornartuuvoq. Tamatumalu malitsigisaanik aamma allanngortiterinerit isumaqatigiinniarnermi matumani kingullermi saqqummeqattaartut annertupput sulinarlutillu. Taamaattumik ajuusaarnarpoq taamatut pisoqarnera, Ole Thorleifsen naggasiivoq.