Aningaasanoortarneq pillugu meeqqanut inuusuttunullu unammisitsilersut
Aningaasanik allanilluunniit eqqugassartalinnik pinnguaatersorneq amerlanerit peqataaffigisimassajunnarsivaat.
Tamakkununnga peqataaneq aliikkutaasinnaasarpoq ilaannulli ajornartorsiuterujussuanngorsinnaasarluni.
Allorfiullu unammisitsinerani ilinniartut atuartullu ajornartorsiut pillugu filmiliorsinnaapput, klassimut pinnguaatersornermut maleruagassaliorsinnaallutik aningaasanoorniutilluunniit pillugit allaaserisaqarsinnaallutik.
Oqallissaarutit saqqummiussallu unammisitsinermut atortussat filmiliaaqqallu www.gambling.gl-imi takuneqarsinnaapput.
Pinaveersaartitsinissamik siunertaqartoq
Aningaasanoornerup qaqugu ajornartorsiutinngortarnerata eqqumaffigineqarnerulersinneratigut ajornartorsiutip piveersaartinnissaa siunertaavoq.
Oddserajunnermimmi assigisaanilluunniit ajornartorsiuteqalertartut inersimasuinnaanngillat.
Meeqqammi inuusuttullu aningaasanoorniutinik ulluinnarni qaammaaffigitittarput.
Nittartakkatigut pilerisaarutit, tuniniaanissamullu suliniutini internitikkut qaammaaffigitinnerit annertuut amerlatikkaluttuinnartut sunniuteqaqataapput, taamaasillunilu ajornartorsiut alligaluttuinnarluni.
Eqqugassaq anneq 10.000 koruuniuvoq klassip katersagaanut tuttussaasoq, 1.000 koruuninillu qiimmassaatitut eqqugassat tallimaassallutik.
Unammisitsineq maajip aallaqqaataanut killeqarpoq. www.gambling.gl-imi paasisaqarnerusinnaavutit.
