Aningaasanoorneq pillugu nalunaarusiaq saqqummiunneqarpoq

marsip 13-at 2006 06:35

Inatsisartut siorna 2005-imi upernaakkut ataatsimiinneranni naalakkersuisut aalajangerpaat nunatsinni aningaasanoornikkut periaatsinik kiisalu aningaasanoornermut uerisoortarnerup kingunerisinnaasaanik misissuisitsiniarlutik. ”Aningaasanoorneq aningaasanoortaatsillu pillugit Misissuineq”-mi, namminersorluni naatsorsueqqissaartarfiup HS-Analyse-p ingerlassaani aamma PAARISA-p Akileraartarnermullu Pisortaqarfiup peqatigiillutik aningaasalersugaanni, paasisat saqqummersimalerput.

Misissuisitsinermi paasiniarneqarsimapput nunatsinni aningaasanoorutinik pinnguartarnermi ileqqut aningaasanooriaatsillu. Aningaasanoorutit sorliit nunatsinni nuannarineqarnerunersut, qanorlu aningaasanoortoqartigisarnersoq, aningaasanoortartullu ataasiakkaarlutik aningaasat qanoq amerlatigisut aningaasanoorutigisarneraat aamma paasiniarneqarsimalluni.

Apeqqutinik immersuinikkut akisassiilluni aningaasanoornerup kingunipilui aamma paasiniarneqarsimapput.

”Aningaasanoorneq aningaasanoortaatsillu pillugit Misissuineq” ullumi pisortatigoortumik saqqummiunneqassaaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk