Aningaasanik tigusisarfiit allanngortinneqalerput
Poorskertinnagu tassa aqagu, nunatsinni Danmarkimilu aningaasanik tigusisarfiit allanngortinneqassapput dankortimiittut titarnerit kajungerisut atorunnaarlugit chip-itaa kisimi atuarneqarsinnaanngussagami. Nammineq dankorterisap allanik atorneqarsinnaannginnera sillimaffiginiarlugu taama allannguisoqalerpoq.
Danmarkimi qaammatit kingulliit dankortit atorlugit pinerluttuliortoqaqattaassimavoq, dankortinillu piginnittut dankortiminnik atuinissaminnut toqqisisimajunnaarsimapput.
Grønlandsbankimi pisortaq Jesper Flensted oqarpoq, nunatsinni dankortit pinerluttuliornermut suli atugaanngitsut.
-Ukiumut 1,5 millioni koruunit nalinginut aningaasanik tigusisarfinni tigusisoqartarpoq, sulili pinerluttunik naammattuuinngilagut, bankimi pisortaq oqarpoq.
-Nunatsinni dankortinik pinerliinernik suli misigisaqarnikuunngikkaluarluta Danmarkip sillimaniarnera tassa nunatsinni aamma malinnaaffigaarput.