Aningaasanik pinerlunnikkut pissarsianik aningaaserivik alla malunnarunnaarsaasutut pasineqartoq

Aningaasanik pinerlunnikkut pissarsianik Danmarkimi aningaaseriviit annersaasa ilaanni Nordeami malunnarunnaarsaasoqarsimanera pasitsaanneqarpoq.
Assi © : KNR
oktobarip 17-at 2018 12:10

Bagmandspolitiit suliaq misissuiffigileruttoroaat, oqartussallu qangali misissuiffigisimallugu.

Bagmandspolitiit Twitterikkut taama allaaserisaqarput.

Aningaasat pinerlunnikkut pissarsiarineqarsimasutut pasineqarsinnaasut 1,1 milliardit koruunit, Hermitage Capital Managementimit nuunneqarsimanerat paasissutissat takutikkaat, aviisip Børsenip allaaseraa.

Kontot 365-it, Nordeap nunani avannarlerni immikkoortuini atorneqarsimasut oqaatigineqarpoq.

AAMMA ATUARUK Sullitat pasinarsinnaasut 6200-t Danske Bank aqqutigalugu aningaasanik nuussisarsimasut