Aningaasanik ikiorsiutinik pisartagallit pitsanngorsaaviginiarneqalerput

- Meerartaqarpugut ilaqutareeqarlunilu pisariaqartitsisunik, ulluinnarni inuuniarnermikkut naammatitsiniaagaluarlutik inorsartartunik. Taamaammat taanna isiginngitsuusaaginnarsinnaangilarput

Ullut 14-nikkaarlugit inunnik isumaginnittoqarfinniit aningaasanik ikiorsiutinik inuit pisartagallit, aningaasarsiagisartagaat qaffaafiginiarneqalerpoq.

Pisuutaatinneqartorlu tassaavoq inuit aningaasanik pisartagallit peqqinnerusumik inuuneqalernissaat.

Kultureqarnermut Ilaqutariinnermut, Ilinniartitaanermut, Ilageeqarnermullu Naalakkersuisoq Tommy Marø tamanna naalakkersuisunut inatsisartunullu inassutiginiarpaa.

Ullut 14-nikkaarlugit inuit aningaasanik pisartagallit ullumikkut 758 koruunisisarput. Ilaqutariinermullu naalakkersuisup Tommy Marøp 1000 koruunimut ukiup nutaap aallartinneraniit atuutilersumik qaffaaffiginiarpaa.

Soorliuna aningaasanik pisartagallit qaffaaffigiarneqartut?

- Ullut 14-nikkaarlugit aningaasat tigusartakkat eqqarsaatigalugit pitsanngorsaaniarpugut. Innuttaasut imaluuniit inuup ataatip inuuniutigisinnaasaanik ullumikkumut naapertuunerusumik, Tommy Marø oqarpoq.

Ullumikkut naapertuutoq qanoq isikkoqarami?

- Ullumikkut aki naapertuutoq, ukiuni arlaqartuni malinnaatinneqarsimanngilaq. Malinnaatinneqarsimannginnerminullu aallaaviuvoq allatut ajornartumik ilaqutariit ilaat naammattusaariniaraluarlutik inuuniutaat amigartarluni. Taamaammat meeqqanik kaattoqartarnera ilumoortortaqarpoq, Tommy Marø oqarpoq.

- Ikiorsiisutitut tunniuttakkat qiviaraani nunarput appasippoq. Taamaammat nunani avannarlernut sanillersuuniarlugit inunnik ikiorsiisutit aaqqinniarlugit naalakkersuisunut siunnersuuteqalersaarpunga minnerpaamik 16 milliuuninik koruuninik nalilimmik, Tommy Marø oqarpoq.

Ilaqutariit meerartallit aningaasatigut ikiorserneqarnissaat pisariaqartoq Tommy Marøp erseqqissaasutigaa.

- Meerartaqarpugut ilaqutareeqarlunilu pisariaqartitsisunik, ulluinnarni inuuniarnermikkut naammatitsiniaagaluarlutik inorsartartunik. Taamaammat taanna isiginngitsuusaaginnarsinnaangilarput pissutissaqaratalu isiginngitsuusaarnissaanut. Iliuuseqarnissarpununa maannakkut tullinnguuteqqasoq, Tommy Marø oqarpoq.

2008-mut Inatsisartut aningaasanut inatsisissaanut siunnersuut novemberip 14-niani pingajussaaneerneqassaaq. Pingajussaaneeneqarneranilu aalajangiuffigineqassaaq Tommy Marøp inassutaa ullut 14-nikkaarlugit inunnik isumaginnittoqarfimmiit aningaasat tunniunneqartartut amerlineqarnissaat akuerineqassanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat