Aningaasaliissutit millionilikkaanik ilanngaaviginiarpaat

Canadami naalakkersuisut aalajangersimapput aningaasaliissutit nunap inoqqaavisa oqaasiisa tammatsaaliorneqarnissaannut atugassat millionilikkaanik ilanngaaviginiarlugit, taama oqarpoq Canadami kulturimut ministeri Bev Oda.

Canadami naalakkersuisuugaluartut, Liberaliusut, 2002-mi neriorsuutigaat ukiut qulit ingerlaneranni Canadamiut dollarii 172 millionit immikkut suleqatigiinnik angalasartunik, oqaatsit pigiinnarnissaannut isummersuisussanik pilersitsinermut atorneqassasut. Siorna taakkua 25-nik innersuussuteqarput, taamaattorli Bev Oda konservativiusoq naapertorlugu taakkua siunnersuutaat pingaaruteqanngillat, taamaattumillu naalakkersuisut sipaarniuteqarfiginiarlugu aalajangersimapput.

- Taamaattorli ukiut tulliuttut arfineq-pingasut ingerlaneranni Canadamiut dollarii 40 millionit oqaatsit pigiinnarnissaannut atugassatut immikkoortinneqarput, ministeri CBC-p nutaarsiassaqartitsivianut oqarpoq.

Suleqatigiit angalasartut immikkut oqaatsinik sammisaqartut oqaatigaat, Canadami nunap inoqqaavisut oqaasillit affaat nungutaanissaminnut navianartorsiortut oqaatsillu qulit nungutaareersimasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat