Aningaasaliissutissat

Naalagaaffiup nunatsinnut aningaasaliissutissai isumaqatigiissutigineqarput. 2008-mi 2009-imilu ukiumoortumik aningaasaliissutit 3,2 milliarder koruuniussapput.

Danskit aningaasaqarnermut ministeriat Thor Pedersen nunatsinnilu aningaasaqarnermut naalakkersuisoq Josef Motzfeldt ippassaq atsioqatigiipput.

Namminersorneq pillugu isumalioqatigiissitap suliuniarnera pissutigalugu, bloktilskudit allanngortinneqasssanngitsut atsioqatigiittut isumaqatigiissutigaat. Namminersorneq pillugu isumalioqatigiissitap sulinera 2007-imi naammassineqartussaavoq, taamanikkussamullu aningaasaqarneq qanoq isikkoqassanersoq aatsaat paasineqartussaalluni.

Nunatsinut bloktilskudit tunniunneqartartut millisinneqarnissaanik, imaluunniit aningaasat qanoq atorneqarnissaanik danskinit oqartussaaffigineqarnerusumik ingerlanneqarnissaat Danmarkimi naalakkersuisooqataasunit Dansk folkepartimit, arlaleriarluni kissaateqartarsimagaluarpoq. Taamatut kissaateqarnerat iluatsinngitsoorpoq. Naalakkersuisut inatsisartullu aningaasat qanoq atorneqassanersut aalajangertassavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat