Aningaasaliinissaq pillugu ataatsimeersuarneq
Ataatsimeersuarneq Greenland Conference 2016-imik taaguuserneqarpoq ullorlu naallugu oqalliffiulluni.
Suliffeqarfiutillit, aningaasaliiniat, politikerit atorfilittallu Nunatsinni pissutsinut ilisimasaqarnerulernerisigut naleqqusarnerisigullu aningaasaliinissaminnik soqutiginninnerulernissaat ataatsimeersuarnermi anguniarneqarpoq.
Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut naalakkersuisoq Vittus Qujaukitsoq ataatsimeersuarnermi aallarniigami Nunatta attaveqaqatigiinnikkut ineriartornera ilisaritippaa.
Today the @ACRM_DK hosted a "Greenland Conference" w. discussions on developments and prospects for future mining in Greenland #glpol pic.twitter.com/W8fQLrJTjw
— Anne-Katrine Brandt (@AnneKatrineB) 24. november 2016
Tassani illoqarfiit, Maniitsoq, Paamiut Nanortalillu nukissiuuteqarnikkut 2017-imi ineriartortinneqartussaanerat pillugu aamma saqqummiussivoq.
Ujarassiuup professorillu, Minik Rosingip, oqallitsitsisoqarnerata nalaani oqaatigaa Kalaallit Nunaata ineriartortitsinissamut pilersaarutini anguniakkanilu erseqqissaassutigeqqaartariaqarai, suliffeqarfiit aningaasaliisartullu Kalaallit Nunaanni pissutsinut ilisimasaqarnerulernikkut aningaasaliinissamik nalilersueqqaarnissaminnik periarfissaqarniassammata.
Minik Rosingillu taamatut oqarnera Vittus Qujaukitsup ima paasivaa politikerit sulilluannginnermikkut pisuusut, oqaatigalugulu tikkuartuiinnarani suleqatigiittoqalertariaqartoq.
Tikkuartuinerunngitsorli, Minik Rosing nangippoq, suleqatigiittoqarnissaanillu isumaqataanini oqaatigalugu.
#GL Minister of Industry,Trade and FA @Tusagassiivik presenting the intended #infrastructure projects. #CZ @ACRM_DK pic.twitter.com/zqZQpRqWea
— Jiri Brodsky (@jiribr) 24. november 2016
Arctic Resources, Hudson Resources, Europap aningaasalersuinermik aningaaserivissua, Den Europæiske Investeringsbank aamma inuussutissarsiornerup ineriartortinneqarnissaanut aningaasaateqarfik, Vækstfonden, ataatsimeersuarnermi peqataapput
