Aningaasaliinissap qulaannerunissaa SASip piumasaraa
![](/sites/default/files/styles/image_934x467/public/article_images/benny_zakrisson_10-2006.jpg?itok=IIK6IqkH)
Piginneqataasut piginneqatigiiffiup qanoq ingerlaneneqarnissaanut assigiingitsunik igisinneriaaseqarnerat pissutaasoq, Air Greenlandip siulersuisuini siulittaasoq, Jens Wittrup Willumsen, nassuiaavoq.
- Taama ittumik aalajangiissatilluni qanoq qularnaarinneqartigerusunnermut qanoq siumaliortaaseqarneq apeqqutaagami. Tassalu SAS-imiit apeqqummut tassunga isummertigatik immikkuullarissut assiigiinngitsut paasiniaaffiginneqarnissaat kissaatigivaat, Jens Wittrup Willumsen oqarpoq.
Aammami Naalakkersuisut siulittasuata qanoq isumaliortaaseqarnera Air Greenlandimi siulersuisut aaatsimiinnerata kinguninnguatigut SAS-ermiut misigaat.
Tassami SAS-ip Air Greenlandimi piginneqataassutini Namminersorlutik Oqartussanut piffissami sivisuumi tuniniarsarivai. Aleqa Hammondilu erseqqissisilluinnarpaa isumaqarami, helikopterinik pisinissamut SAS akerliusoq, taamaaliornikkut Air Greenlandimi Namminersorlutik Oqartussanut tuniniarnermini akimik qaffassaasoq.
Taamaaaliorneq kusananngitsumik iliorneruvoq, Nunatta politikkikkut siuttua ilaatigut oqarpoq.
Nangipporlu:
- SAS-i piginnittuujumajunnaarnerani ikiorusupparput pinngitsaalineqarlutali isumaqatigiinniarnissarput kissaatiginngilarput - tamanna kialluunniit akuerisinnaanngilaa, pingaartumillu Nunatsinni innuttaasut akuerisinnaanagu.
SAS-ip Air Greenland-imi siulersuisuini issiatitaa, Benny Zakrisson, Radioaviisimiit ullaap tunga oqaloqatigarput.
Taanna oqarpoq, nammineq allat assiginagit matumunnga oqaseqarumanani, taamaaliornissaq SAS-ip piginneqataassutit pineqartillugit periusianut akerliussammat. Tassamut apersorneqarumanngilaq.
Benny Zakrisson-ili oqaluttuarpoq, helikopterinik pngasunik pisinissamut SAS-imiit akerliunerminnut pissutaasoq, pisinissami apeqqutit tamarmik misissoqqissaarneqarsimanngitsut isumaqaramik.
Jens Wittrup Willumsenip aamma uppernarsarpaa, qutequttat assigiinngitsut aalajangernissamut sunniuteqartussat oqallisigineqarsimasut.
- Arlalinnik apeqquteqaaateqartoqarpoq. Sullissinissamut isumaqatigiissutit qanoq ikkumaarnerat tamakkununnga ilavoq. aammami suli ilisimasaqarfiginngilarput. Isumaqatigiissut 2014 ilanngullugu atuuppoq. Aamma Bell 212-it sinneri qanoq pineqassanersut oqallissigarput, tassa qulimiguullit qanoq ittut taakkununnga taartaassanersut, siulersuisuni siulittaasoq oqarpoq nassuiaallunilu, apeqqutit arlallit ilumut maannakkut akineqarsinaanngitsut.
Eurokopterit pingasut pissarsiassaalermata, taakkua pisinarineqarnisaannik siunnersuuteqartunut nammineq ilaasimalluni oqarpoq.
- Qulimiguullit taakkorpiaassanersut soorunami nalilersuingaatsiarpugut. Pisinnaasai naammannersut. Taamalu aalajangiinissaq eqqortuusoq arlalissuit isumaqarput, aammali taama aalajangernissamut suli piareersimanatik ilaat isumaqarput, Jens Wittrup willumsen oqarpoq.
Aalajangerneq 105 millionit koruuninik aningaasaliinermik kinguneqartussaq.
Matuma kingorna qanoq pisoqasssanersoq nalorninarpoq, illuatungeriilli naapeqqitsinnagit pissutsit qulaajaqqinneqartariaqassapput.
- Qaqugu isummerfigeqqinnissaa piffissanngussanersoq naluara. Qulimiguulinnik qanoq ittunik tuniniaasioqarnersoq naliliersuinerlu qanoq inerneqarumaarnersoq apeqqutaajumaarput, Air Greenlandsip siulersusuini siulittaasoq Jens Wittrup Willumsen oqarpoq.