Assi: Hudson Ressources

Aningaasaliineq nunanut allanut takutitsilluarneruvoq

Greenland Venturesip Hudson Resourcesimut millionilikkaanik aningaasaliinera aningaasaliisartut nunanit allaneersut malinnaavigaat.

Suliffeqarfinnut aningaasaliisartoq Greenland Venture canadamiut aatsitassarsiutileqatigiiffiannut Hudson Resourcesimut 20 millionit koruuninik aningaasaliivoq. Hudson Resources Kangerlussuarmi Qaqortorsuup eqqaanni aatsitassamik ahorthositimik piiaaffiliorpoq.

Hudson Resourcesip Kalaallit Nunaanni immikkoortortaqarfiata Hudson Greenlandip siulersuisuini Greenland Venturemi
sinniisuutitaqalerpoq.

Aningaasaliissutinik aqutsisoq, Per Buhl Olsen, Hudson Greenlandip siulersuisuini ilaasortanngorpoq.

Per Buhl Olsenip Hudson Greenlandip siulersuisuni ilaasortaaneratigut aatsitassarsiorfip aningaasalersorneqarnera Greenland Venturemit malinnaaffigineqarnerussaaq.

Aningaasaliissutigineqartut qanoq ineriartortinneqarnerat paassissaqarfigissallugu sunniuteqarfigissallugulu ajunngitsuuvoq.

- Aningaasaliigaangatta taamaaliortuaannarpugut qanimut qulakkeerniartaratsigu, Per Buhl Olsen oqarpoq,  nassuiaatigalugulu aatsitassarsiorfinni kalaallit piginneqataanissaat pingaaruteqarmat, aningaasaliisartut nunanit allaneersut nakkutigilluartarmassuk.

AAMMA ATUARUK Greenland Venture piginneqataassutsinik milionilinnik pisisoq

Per Buhl Olsen nassiuuteqarluni taama oqarpoq.   

- Nunat allamiut aningaasaliisimasut kalaallinik aningaasaleeqataasoqarsimanngikkaangat eqqumiigisarpaat,  
taamaattumik pingaaruteqarpoq Kalaallit Nunaani suliap iluatsinnissaanut ajunngitsumik takussutissiisoqarpat.
Greenland Venturep aningaasaliissutigisai 20 million koruuniusut Hudson Greenlandimik piginneqataassutit seks procentii missiliorpaat.

Greenland Venturep aningaasaliissutigisai amerlaqisut, Per Buhl oqarpoq.

- Greenland Venturep aningaasaliissutigisai amerlaqaat, tassalu suliffeqarfimmut ataatsimut aningaasaliiffigisinnaasatta annertunersaat aningaasaliiffigaagut, Per Buhl Olsen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat