Aningaasalerneqarput

Nunatsinni assammik arsartartut kattuffiat, Team Grønlandilu, ukiuni marlunni aningaasalersorneqarnissamik ippassaq isumatigiissuteqarput. Team Grønlandimit aningaasalersorneqartussat tassaapput angutit assammik arsartartut, nunarput sinnerlugu unammisartut.

Ukiuni marlunni tulliuttuni aningaasaliissutit sungiusaasoqarnermut, unammisartunik ineriartortitsinermut, sungiusaqatigiittarnissanut Amerikallu nunavittaani unammeqataanissamut ukioq manna juunip ulluisa arfernganniiit qulingata tungaanut ingerlanneqartussanut atorneqassapput.

Nunatsinni assammik arsartartut kattuffiata siulittaasuata, Palle Jerimiassenip, aningaasalersorneqarnissamik isumaqatigiissut assut iluarisimaarpaa, aningaasaliineq angutit unammisartut nutaanik taarsersorneqarnerisa nalaanni pimmat.

Palle Jerimiassen isumaqarpoq, aningaasalerneqarneq taamaalilluni inuusuttut unammisartunngornerminni allanik ernnummateqaratik ineriartorluarnissaannut assut iluaqutaasussaassasoq.