Aningaasaateqarfiit kulturikkut suliniutinut aningaasaliisartut pillugit Katuami saqqummersitsineq

Kulturikkut aallartisaarusuttut tamarmik aningaasaateqarfinnit kulturikkut suliniutinut aningaasaliisartunit qanoq ililluni aningaasatigut tapiissutinik pissarsiffigineqarnissaannut ataasinngorpat periarfissaqassapput. Nalunaaqutaq 19-imit 21-mut Nuummi Katuami aningaasaateqarfiit aallartitaat saqqummersitsissapput.
Allattoq Peter Troelsen, Simon Uldum
januaarip 16-at 2013 08:24

Isiginnaartitsinerit, nipilersornikkut pikialaartitsinerit imaluunniit atuakkamik saqqummersitassat. Takorluukkat tamarmik isumassarsiamik aallartittarput. Qanoq ilillunilu aningaasaliiffigineqarnissamik qinnuteqaasiortoqartarpa, suliniut pillugu allaaserinnilluni imaluunniit missingersuusiorluni? Isumassarsiavit piviusunngortinnissaa ajornakusoortikkukku, paasissutissiilluni saqqummersitsinermut Katuami ataasinngornermi februaarip 18-iani 2013-imi peqataasinnaavutit.

Paasissutissiilluni saqqummersitsineq Namminersorlutik Oqartussanit, Kommuneqarfik Sermersuumit, NunaFondenimit, Katuamit NAPA-millu aaqqissugaavoq. Aallaqqaasiutitut tapiissuteqarnissamut aaqqissuussinerit assigiinngitut naatsumik nassuiaateqarfigineqassapput.

Tapissuuteqarnissamut aaqqissuusinernit tamanit sulisunik najuuttoqarumaarpoq, taakkulu suliniutinnut aningaasanik pissarsiniarnissannut qanoq sumullu saaffiginnissanersutit ikiussavaatsit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq