Aningaasaateqarfiit ataasiinnanngortinneqarput

Danmarkimi aningaasaateqarfiit taaguuteqartut Kulturfonden Danmark-Grønland aamma Folketingets Grønlandsfond aamma Grønlandsfonden af 1959 kattullugit ullumimiit ataasiinnanngortinneqarput.

Aningaasaateqarfinni taakkunani siulersuisut pisortanut saaffiginnissuteqarsimapput, aningaasaateqarfiit pingasuujunnaarsillugit ataasiinnanngortinneqarnissaat kissaatigalugu.

Aningaasaateqarfiit kattunnissaat Civilstyrelsep akuersissutigimmagu, aningaasaateqarfik ataasiinnanngortinneqarpoq, taaguuteqalerlunilu: Kulturfonden Danmark-Grønland, tassalu kulturi pillugu aningaasaateqarfik Danmark-Kalaallit Nunaat.

Aningaasaateqarfimmi nutaami siulersuisuni ilaasortaalersut tassaapput: statsministereqarfiup toqqagai: departementchef Nils Bernstein aamma rigsombudi Søren Hald Møller. Nunatsinni naalakkersuisut toqqarpaat: Namminersornerullutik Oqartussaniit Kaj Kleist. Nunatsinni inatsisartut toqqarpaat: Nunatta Katersugaasiviani pilersaarusioqataasartoq Aviaaja Rosing Jakobsen aamma atuakkiortoq oqallissaarisartorlu Finn Lynge kiisalu Folketingimi siulittaasoqarfiup toqqarlugit: Folketingimi ilaasortaq Frank Jensen aamma Folketingimi ilaasortaasimasoq Henrik Vestergaard.

Aningaasaateqarfiup aningaasanik septemberimi agguaarngaarnissani naatsorsuutigaa.