Aningaasaasivimmik tillittut kinaassusersineqarput
Ilulissani politiit sapaatip akunnerata siuliani illoqarfimmi kioskit arlaanni aningaasaasivimmik tillittut qularnanngitsumik kinaassusersivaat, tillinniarsimasutut angutit inuusuttut marluk 18-inik 19-inillu ukiullit sisamanngormat tallimanngormallu killisiorneqarmata.
marsip 03-at 2008 10:57
Killisiorneqartut tamarmik nassuerutigaat februaarip ulluisa 21-anni ullaassakkut tillinniarsimallutik, taama oqarpoq Ilulissani politiit ittuat, Janus Eigaard.
Inuusuttut taakku marluk ullaassanngortoq kioskip tunuatigut iseriarlutik aningaaserivimmiittut aningaasat tamaasa tillippaat, tigusarineqarsinnaasimappulli innuttaasut arlaat pingasunngormat sisamanngormallu kalerreereersullu.
Inuusuttut tigusarineqarmata koruuninnguarluunniit angumerineqanngilaq, aningaasat festerutigineqarsimammata.
