Aningaasaasaq Narsami akiliutigeriaraluarneqartoq
Angutip 100 koruuniusaaq Narsami pisiniarfiit ilaanni tallimanngormat atoriaraluarsimavaa, taamaattumik Narsami pisiniarfiutillit maanna politiinit mianersoqquneqarput.
Allattoq Jens Thorin
Angutip pisiniarfiit ilaanni 100 koruuniusaaq atoriaraluarmagu pisiniartitsisup tigujumangilaa, angullu angusaqarani ingerlaqqiinnarluni.
Pisiniarfiutilik politiinut arfininngormat unnerluutiginnippoq, kisianni angut 100 koruuniusaajutilik politiinit suli tigusarineqanngilaq.
- Pasisaq kinaanersoq nalunngilarput, illoqarfillu mikimmat tigusanissaanut piffissaq kisimi apeqqutaavoq, Narsami politiit ittuat, Niels Peder Krogh oqarpoq.
Narsami pisiniarfiutillit allat aningaasaasaanik naammattuuisimagunik politiinut saaffigininneqqullugit kaammattorneqarput.