Aningaasaasaliortoq suli nassaarineqanngilaq

januaarip 30-at 2006 17:17

100 koruuniliaasimasut pillugit Nuummi politiit suli iluamik paasisaqanngillat.

Nuummi politeeqarfiup ittuata Bent Heiselbergip oqaatigaa, weekendtimi taamaallaat inuk ataasiinnaq ooriusaajuteqarnerminik saaffiginnissuteqarsimasoq.

- Imaassinnaavoq ooriusaliortoq tamanna oqallisaaleriarmat allatut eqqarsalersimasoq, taama oqarpoq Bent Heiselberg.

Politiilli erseqqissaatigaat inuup peqquserluuteqartup ujaarineqarnera unitsinngikkitsik, neriuutigaalli illoqarfimmi paasiniaaqqissaalerunik paasisaqarumaarlutik.

100 koruuniusaat 100 koruunivinnut assingusorujussuupput, taamaallaalli saqqaani aappaluttumik savimineerartaqaratik.

- 100 koruuniusaamik naammattoorsigaanni piviusuunnginnera nalunanngilaq, tassami qarasaasiap printerertaata pappiarartaanik pappiarartaqarmata, Bent Heiselberg oqarpoq.