Aningaaasanut aappaagu inatsisissatut siunnersuut saqqummiunneqarsimalerpoq

Inatsisartut 2007-imi aningaasanut inatsisissatut siunnersuutaat maanna saqqummiunneqarsimalerpoq.

Tamanna aallaavigalugu inatsisartut aningaasaqarnermut ataatsimiititaliaa, inatsisissamut siunnersuummut, taamatullu naalakkersuisunut, isornartorsiutinik arlalinnik saqqummiussivoq.

Kisitsinik uppernarsaatitalinnik naalakkersuisut peqannginnerat isornartorsiuinermi ilanngunneqarput.

Piffissaq ungasinnerusoq eqqarsaatigalugu utoqqarnut pisariaqartinneqartut kisitsisit paasissutissat pigineqannginnerat, aningaasaqarnermut ataatsimiititaliamit isumakulunnartoqartinneqarpoq, utoqqarnut tunngasuni pisariaqartitsinerit naliliiffigineqarnissaat siunertaralugu nuna tamakkerlugu inuiaqatigiit agguataarsimanerannik misissuineq ingerlanneqarsimanngimmat, aningaasaqarnermut ataatsimiititaliap inatsisissamut siunnersuummi isornartorsiunerminni ilannguppaat. Namminersorneq pillugu isumalioqatigiissitat isumalioqatissiissusiaannik pilersaarusiortussatut malitseqartitsisissussatullu allaffiup pilersinneqarnissaanut siunertaralugu aappaagumut 2.700,000 koruuninik ukiunilu missingersuusiorfiusuni 4,1 millioni koruuninik amerlineqarnisaat naalakkersuisut aappagumut inatsisissatut siunnersuummi ilanngunneqarput. Sulisorisassat aappaagu sisamaanissaat aappaaguagulu tallimaanissaat aningaasanut siunnersuummi ilanngunneqarpoq.

Aningaasanut inatsisissatut siunnersuummi aappaagumut atuutussami, aningaasaqarnermut ataatsimiititaliap allannguutissatut siunnersuutit 97-it oqallisissianngortippai.

Aningaasaqarnermut missingersuusiaq 12 millioni koruuninik ajunnginnerulissaaq.

Taamalillunilu amigartoorutit ukiuni tulliuttuni 361 millioni koruuniussapput.