"Aniguisimasut" inuit 1000-t naapeqatigiipput

"Aniguisimasut" naapeqatigiinnerat Akilinermi Inuvimmi pivoq. 1960-1970-1980-ikkunni atuartuusimasut, erloqititaasimanermi kinguneranik 'aniguisunik' pisagaat 1000-it missaanniittut peqataapput. Inuit meerartaannut kusanaatsuliornerit Naalagaaffimmit aqunneqartumik katuullit naaggaartullu oqaluffiisa atuarfiini pisarsimapput. Canadami Ilumoortussaq pillugu Isumalioqatigiissitap tusarniaatitsinera taamaalilluni naammassivoq.

Canadami Ilumoortussaq pillugu Isumalioqatigiissitap tusarniaatitsinini maanna naammasseqqammerpaa Inuuvimmi ulluni sisamani persuarsiutigineqartumik.

Atuarfinni nerisaqarfiutigisuni meeqqat 1980-kkut qiteqqunnerata missaani atuartut, kinguaassiutimikkut tarnimikkullu atornerlunneqartarsimaneri pillugit Isumalioqatigiissitaq 2007-imi pilersinneqarpoq.

1960-1970-1980-ikkunni atuartuusimasut, erloqititaasimanermi kinguneranik 'aniguisunik' pisagaat 1000-it missaanniittut Inuuvimmi peqataapput.

Naalagaaffeqatigiinnit katuullit naaggaartullu oqaluffiinit taamani atuarfiit ingerlanneqarput. Taakkunani ilinniartitsisuupput palasit, arnat mattuttut allallu. Tassalu taakku ilaat meeqqanik atornerluisimapput. Paasiniaanerup naammassinerani Isumalioqatigiissitamik erseqqissaatigineqarpoq taamani ilinniartitsisoqarsimammat ajunngitsunik.

Taamani atuartuusut ilaat Inuuvimmiu Rosie Kuglutuk oqaluttuarpoq, Inuktitut oqaluttut paasineqaraagata, qarni qaqorsaalerlugit asanneqartarsimasut. Tamatuma kingunerisarpaa meeqqat angajoqqaaminnut angerlaraagamik taakku oqaloqatigisinnaajunnaartarnerannik.

Taamani atuartuusimasup allap oqaluttuaraa, atisanik manissaanera ajorineqarmat arnap mattuttup tunumigut manissaammik kissartumik tagiarsimagaani.

Taamani atuartuusimasut maannalu inersimasuusut amerlanerpaartaasa inuuniarnerat sequminneqarsimavoq.

Taamani pisut puigorneqarnissaat inuunerullu ingerlaqqinnissaa siunertaralugu Inuuvimmi naapisimaanermi tivasoqarlunilu nerersuaqatigiittoqarpoq, Isumalioqatigiissitamilu ilaasortat inunnik pisariaqartitsisunut eqitaaralutillu assammittaaripput.

Nerersuaqatigiinneq 'aninguisut' ikiorneqarnissaannut alloriarneruvoq siulleq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat