Aniguerusungaaramik tartuerniartarput

Aalisartukulunnguit piitsooqisut ilaqutaallu aniguiumallutik tartuminnik tuniniaasariaqartarput, Asiap kangimut kujataani ukiut marluk matuma siorna juullip aappaani tsunameqallarmat aalisartut taakku inuussutissarsiutitik annaavaat.

Pisoq politiinit maanna misissorneqalerpoq.

Inuit untritillit missaanniittut, arnaanerusullugooq, tartutik ulussaarsuaqarnerata kingorna tuniniartaraat, nunaqarfinnguami Eranavoorimi pisortat nassuerutigaat, tartunngooq 40.000 rupeesiniit 60.000 rupeesit tikillugit akilersinneqartarput, tassa 5.200 koruuniniit 7.800 koruuninut. Nunaqarfeerannguami innuttaasut allatut iliorsinnaanngitsut, nunaqqataasut isumaqarput.

Eranavoorimi aalisartut peqatigiiffianni siulittaasoq, Maria Selvam, oqarpoq, ajunaarnersuaqanngikkallarmat amerlanerpaamik inuit marluk pingasut tartuminnik immaqa tuniniaasartut.

Napparsimmaviit tartunik pisisarsimasut tartuerniarsimasullu tamarmik misissuivigineqassasut politiit ilisimatitsipput.