Angutit perusuersartarfiliakulatsinnerupput
Danskit angutitaat ukiut sisamat matuma siornatigornit sapaatip-akunnerata ataatsip ingerlanerani nalunaaquttap akunnerinik marlunnik sivisunerusumik perusuersartarfimmiittalersimapput. Naarlunnermik tamanna peqquteqanngilaq – iggavimmili oqallittarnerujussuarmit qimaasarput.
Eqqissisimaarfissamik nassaarnissaq angutinut ajornarsiartorpoq. Iggavimmi oqaloqatigiinnerunissaq nuannarineqaleraluttuinnarpoq, allamillu immaqa nipaannerusumik sumiiffissaqaratik angutit perusuersartarfiliakulanerulersimapput. Taama allappoq Illuutileqatigiinnut atuagassiaq, Bolius.
- Perusuersartarfik tassaalersimavoq eqqissilluni aviisimik angutit atuarfigisinnaasaat, tassami matu parnaarsinnaavaat, eqqissillutillu tassaneereerunik ilaqutsereqqiinnarsinnaapput, siunissaq pillugu ilisimatusartoq, Liselotte Lyngsø, atuagassiamut Boliusimut oqarpoq.
