Angutit nunanut allanut unammisartut toqqarneqarput
Nunatta assammik arsarlutik unammisartui angutit Pan Amerikami unammersuarnissamut anngunniunnerni ulluni februaarip 25-ianit marsip aallaqqaataata tungaanut peqataasaapput, angunneriunnerillu Mexico Citymi ingerlanneqassapput.
Anngunniunnermi arsartartoqatigiit sisamat Pan Amerikami unammersuarnermut Uruguayimi Montevideomi juunip qaammataani ingerlanneqartussamut ingerlaqqissapput, Kalaallit Nunaanni Assammik Arsartut Kattuffiat tusagassiorfinnut nalunaaruteqarluni taama paasissutissiivoq.
Pan Amerikami anngunniuttoqarnerani arsartartoqatigiit pitsaanerit pingasut VM-imut Qatarimi 2015-imi januaarip qaammataani ingerlanneqartussamut ingerlaqqissapput.
Unamminerit inississorneri makitsissutigineqarsimapput, Nunattalu nunanut allanut unammisartuisa ullut unammiffissaat tassaapput:
Marlunngorneq februaarip 25-ani, nal. 16.00: Kalaallit Nunaat – Cuba
Pingasunngoneq februaarip 26-ani, nal. 16.00: Puerto Rico – Kalaallit Nunaat
Sisamanngorneq februaarip 27-ani, nal. 18.00: Mexico – Kalaallit Nunaat
Tallimanngorneq februaarip 28-ani, nal. 16.00: Kalaallit Nunaat – USA
Arfininngorneq marsip aallaqqaataani, nal. 14.00: Kalaallit Nunaat – Den Dominikanske Republik
Nunanut allanut unammisartut sungiusaasuata Niels Møllerip unammisartut toqqagai tassaapput:
Michael Lukacs, Lars Kjølby, Miilu Rosing, Andreas Lorentzen, Nuka Heilmann, Miki Heilmann, Danny Brandt, Rasmus Larsen, Nuuno Lars Olsen, Eqalunnguaq Kristiansen, Finn Lynge Frederiksen, Aqqaluk Ingemann, Minik Dahl Høegh, Akutaaneq Kreutzmann kiisalu Inuk Olsen.
Angutimmarik Kreutzmann Aqqaluk Sørensenilu peqataasinnaanatik nalunaarsimapput.
Nunanut allanut unammisartut sungiusaasuata ikiortaa Ingi Olsen tagiartuisartorlu Berit Duus aamma Mexico Citymut angalaqataassapput.
