Angutit Narsami suli ujaaraat

marsip 13-at 2007 07:34

Angutit marluk inoqatiminnut ulorianaateqartumik pissusilersorsinnaasutut Narsami politiinit nalilerneqartut, sapaatiummalli qimaasimasut suli ujaarineqarput. Narsami Qaqortumilu innuttaasut qinnuvigineqarput, takunnissimagunik politiinut saaffiginneqqullugit.

Qimaasimasup aappaa ateqarpoq Ove Arne Egede. Taanna nerinnattuuvoq, 26-nik ukioqarluni. takilaartumik tungujortumik kavaajaqarpoq, qarlii taartuullutik, arpassutai qaamasuupput. Nujai qernertut naatsuaqqat.

Taliata talerpiata tungaani 15 centimiiterinik takitigisumik qileroqarpoq.

Ujaarineqartup aappa 40-nik ukioqarpoq, tassaalluni Agpaaraq Henriksen.

Qimaanermini kavaajaq oqortoq taartoq atorpaa, qarliilu qasertuullutik, arpassutaalu qaamasuupput.

Naatsuaqqanik qaamasunik nujaqarpoq, tuattuullunilu.

Ujaarineqartut sumiinneri ilisimaneqarpata, Narsami politiinut saaffiginnittoqarsinnaavoq, uunga sianerluni: 66 12 22 imaluunniit 49 77 22, tassa sianerfigineqarsinnaasut tassaapput 66 12 22 imaluunniit 49 77 22.