Angutit marluk Kangaatsiamiit Aasiannukartut ujaarineqarput
Angutit marluk Kangaatsiameersut ippassaq ullup qeqqata siorna Kangaatsiamiit Aasiannukarlutik aallartut, politiinit suli ujaarineqarput.
Allattoq Elisa Isaksen
Angallataat Aasiaat Kangaatsiallu akornanniittoq politiit nassaaraat, inuttaali suli nassaarfigineqaratik.
Umiatsiaq politiit ajoqusersimanerarpaat, siornatungaani putusimammat aamma aquffigisartagaa ajoqusingaatsiarsimavoq.
Qulimiguulimmik politiillu angallataannik, angutit 42-nik 47-nillu ukiullit Aasiaat eqqaamiuusut ujaarineqarput, maannamulli suli iluatsinngitsumik.