Angutit marluk Hvidbjørn-imit annaanneqarput
Angutit marluk Nanortalimmingaaneersut sinerissami nakkutilliissummit Hvidbjørn-imit ullumi annaanneqarput. Angutit marluk aappaa 25-inik ukiulik aappaalu 45-nik ukiulik ippassaq ualikkut tallimanut pilersaarutaasutut tikinngimmata Nanortalimmi politiinut nalunaarutigineqarput. Qeqertamut Inussuttalimmut appanniarlutik aallarsimapput, piniariarfiatalu eqqaani sila ajorsimavoq kujasik kangisimmik 20-25 sekund meterinik sakkortutigisumik anorlerluni.
Sinerissami nakkutilliissut Hvidbjørnen Nuummut ingerlaarsimagaluarpoq piaanerpaamillu Nanortallup eqqaanukartinneqarluni. Hvidbjørnen akunnerit arfineq pingasut ingerlaareerluni ujaasiffiusup eqqanut pivoq ullaarlu qulimiguulik lynx atorlugu ujaasineqalerluni.
Qulimiguulik sivikitsumik ujaasereerluni angutit marluk ujaarineqartut qeqertami Inussuttalimmi Nanortallimmit 10 kilometerinik kujatsigisumiittut nassaarineqarput ajunngitsut Nanortalimmullu qulimiguulimmik ingerlanneqarput Kangilinnguani Grønlands Kommando nalunaarpoq.
